Dionisio palatino, Herrico bano totius Sclauonie, Nicolao Woeuada (sic) transiluano et Comite de Zonuk, Iwachiono (sic) magistro tauarnicorum nostrorum et magistro Nicolao Judice Curie nostre, ac alijs quam pluribus, regni nostri honores tenentibus.
Fragmentum Sigilli duplicis e rubro et viridi serico pendet. Orig. in Arch. Prim. Sec. Lad. Q., fasc. 1. Nro. 10. - Edidit Fejér 1. c. V. II. pag. 182.
14.
1274. ante 9. Mart. - Ladislaus IV. transsumit Tomi I. Nrum. 746. et insuper Capitulum Strigon. in possessione tributi, ad Comitatum Strigon. pertinentis, confirmat.
Ladislaus, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarorumque (sic) Rex, Vniuersis xpi. fidelibus, presentes litteras inspecturis, salutem in omnium saluatore. Quia quicquid in usus pios expenditur uel confertur, id non amittitur, sed pocius conseruatur; Idcirco ea, que sacrosanctis Ecclesijs et alijs pijs locis, pietatis intuitu, conferuntur, regie approbacionis seu ratificacionis debent presidio confirmarj. Proinde ad uniuersitatis uestre noticiam harum serie uolumus peruenire, quod cum Inclite recordacionis Dominus Stephanus, Illustris Rex Hungarie, karissimus Pater noster, post obitum clare memorie Domini Regis Bele quarti, karissimi Patris sui, Aui nostri, quandam villam seu Terram, nomine Epel, in Comitatu Strigon. existentem, ad mensam Regiam, seu Clicium Regale de Buda, pertinentem, cum uinitoribus, ipsi Terre ascriptis, qui Regibus Hungarie, Progenitoribus nostris, certam uini quantitatem annuatim racione seruitutis, ab antiquo eis imposite, consueuerant ministrare, et cum vniuersis vineis, pertinencijs, utilitatibus et iuribus eiusdem ville, siue Terre, fidelibus suis et nostris, Sancte Strigon. Ecclesie Capitulo, pro remedio anime dicti Domini Bele, Regis pijsimi, Patris sui, in perpetuam Elemosinam dedisset, donauisset et tradidisset, ab ipso Capitulo peremniter et inreuocabiliter, iure perpetuo possidendam; prout hec omnia in prefati karissimi Patris nostri, Domini Stephani Priuilegio, exinde confecto, quod inspeximus et inspici fecimus, plenius continetur (sic); nos eiusdem karissimi Patris nostri, sicut successione filiali, sic et pietatis imitacione, uestigijs inherentes, de predicta eciam donacione ipsius ville Epel, non tam per Priuilegium predictum, quam per ueridicam assercionem plurium Prelatorum et baronum Regni nostri, qui se huiusmodi Donacionis conscios esse dicebant, plenissime certificati, maxime, quia inuenimus, dictum Priuilegium non abolitum, non uiciatum, non cancellatum, uel in Carta, seu Sigillo alicui reprehensioni subiectum subiacere; predictam donacionem ville seu Terre Epel uinitorum,