903.
1321. 5. Jan. - Thomas Archiepiscopus Strigon. Comiti Pethő ob praestita servitia fundum in villa Szalka donat.
THomas, miseracione diuina Archiepiscopus Strigon. (loci)que eiusdem Comes perpetuus, vniuersis xpi. fidelibus cum paterna benediccione salutem in eo, qui est omnium vera salus. Justis et pijs petencium desiderijs nos decet facilem preb(ere consen)sum, et ea, que a racionis tramite non discordant, effectu prosequente adimplere. Proinde ad vniuersorum noticiam harum berie volumus peruenire, Quod cum comes Petheu, nobilis de Bitrfeuy, tempore, quo nos et ecclesia nostra Strigon. malignorum incursibus cassabatur (sic) et admodum fluctuabat, multa seruicia fidelia et obsequia gratuita nobis et nostre ecclesie memorate inpenderit; Nos igitur grata uicissitudine rependere et refundere quedam pro eisdem cupientes, vnum fundum, seu Lehynum wlgo dictum, in nostra possessione Zalka uocata, ab omnibus exaccionibus liberum et a quibuslibet collectis et tallijs per nos, uel per nostros officiales, pro tempore constitutos, impositis uel imponendis exemptum- eidem comiti Petheu, nichilominus pro eodem fundo nobis humiliter suplicanti et ad gremium €cctesie reuertenti, quod nulli denegat redeunti, annuimus sub premissis libertatibus perpetuo concedendum; precipientes nichilominus nostris offidalibus, in eadem villa Zalka pro tempore constitutis, quod nullus eorum eundem comitem Petheu, uel ad eum pertinentes, pretextu collectarum seu exaccionum, in eadem possessione emergencium, obtentu nostre gracie plenioris, molestare audeat, uel presumat. Datum Slrigonij in vigilia Epiphaniarum domini, Anno eiusdem M°. CCC°. Vicesimo Primo.
Fragm. sigilli ovalis e rubro serico pendet. Orig. in Arch. Prim. Sec. Lad. R. fasc. 1. Nr. 5. - Edidit Fejér Cod. dipl. VIII. II. 299.
904.
1321. 20. Jan. - "Magister Stephanus, Castellanus de Wyssegrad et magister Johannes, Judex Castri Budensis, in Comitatu Pestiensi, Albensi, Strigoniensi et Byssenorum per dominum Karolum - - regem vngarie, vice et nomine persone sue maiestatis pro tempore Judices deputati," causam inter comitem Cherne et inter Petrum de villa Man prorogant. - "Datum Bude octauo die octauarum Epiphanie domini."
Nagy Cod. Andeg. I. 595.