3.
1273. 1. Jul. - Elias et Guelianus de Ztorgar, "qui se liberos vduornicorum domini Regis esse dicebant," terram ipsorum de Ztorgar, quam Rex Comiti Ogouch filio Mycou contulit, eidem pacifice cedunt coram G. preposito et Capitulo Strigon., "recognoscentes, quod dominus Rex terram ipsorum conferre poterat. - - Datum tercio die post festum Apostolorum Petri et Pauli."
Wenzel Cod. Arpad. IV. 28.
4.
1273. 10. Jul. - Ladislaus IV. Rex considerans "fidelitates et seruiciorum merita Sandur et Gal, filiorum Bent, de uilla Kerowa, jobagionum Castri Strigon. --- eosdem a jobagionatu Castri Strigon. cum omnibus terris suis" eximit, "et in numerum, cetum seu collegium seruiencium Regalium" transfert. - Datum sexto idus Jul.
Wenzel Cod. Arpad. IX. 18.
5.
1273. 27. Sept. - Ladislaus IV. "cum nobiles viri Nicolaus, Vgra, Valentinus et Ypolitus, filii Comitis Ypoliti, a primeuo iuuentutis sue principio auo nostro et patri nostro, victoriosissimis Vngarorum Regibus, piarum recordacionum, ac nobis demum ex conspicuis actibus meruissent multipliciter complacere, diuersis clarentes meritorum uirtutibus, se et suos in omnibus Regni expedicionibus et bellorum euentibus ut leones intrepidi dubijs fortune casibus submittendo;" eisdem "quandam terram vduornicalem Liudafelde vocatam, ad usum trium aratrorum sufficientem, iuxta terram eorumdem filiorum Comitis Ypoliti Elya vocatam, adiacentem," confert. - Datum quinto kal. Oct.
Wenzel Cod. Arp. IV. 19. - Hypolithus hic, filius Comitis Hypolithi, tardius Canonicus Strigon. factus est. (Vide Nrum. 62.) Anno 1268. Laurentius Palatinus Ipolito Comiti, Vgra, Nicolao, Valenti et Ipolito, filiis eiusdem Ipoliti Comitis, Nobilibus de Elya terram Bard restituit. (Wenzel 1. c. III. 190.) - Anno 1263. 13. Febr. occurrit Hypolithus sacerdos de Sáros Comes Cancellariae Dominae Reginae (Fejér Cod. dipl. IV. III. 158.), num idem?

---