pulsatorum et alia ad exsolvendas ceras pro luminaribus ecclesiae deputaretur et hanc Udvarnicorum coordinationem Lodomerio "secundum discretionem, divinitus sibi datam," commisit, simulque ei indulsit, ut quatuor aut quinque mansionum Udvarnicos Jobagiones exercituantes constitueret, "qui cum Episcopo Varadiensi in expeditione regali exercituare" tenerentur[236].
Sed iam fama virtutum Lodomerii nostri Romam usque pertigit; ideoque Gregorius PP. X. postquam Philippus Archiepiscopus Strigon., cui inquisitionem "de veritate morum et virtute signorum, operibus videlicet et miraculis" beatae Margarethae, Belae IV. Regis filiae, commiserat, "re ad haec integra manente" immortuus fuisset, eidem Lodomerium substituit, qui cum episcopo Vaciensi et Abbate de Bakony, in hoc negotio sibi adiunctis, "inquisitionem - ut Innocentius PP. V. a. 1276. testatur - quam super hoc fecerunt, eidem praedecessori (Gregorio PP. X.) remittere, suis interclusam literis, curauerunt."[237] Quando Lodomerius inquisitionem hanc adornaverat, quandoque Papae submiserit, non constat. Philippus Archiepiscopus Strigon. mortuus est a. 1272. post 18. Dec., Gregorius Papa autem, a quo negotium hoc indefinitum ad successorem transiit, 1276. 11. Jan.; inquisitio ergo haec satis protracta fuit, prout hoc etiam Legenda Margaretae hungarica his verbis testatur: "De maga mynek eleutte ez jambor Eztergamy Fylep Ersek el vegezte volna Zent Margyt azzonnak zentseges eletynek byzonsag veteleet, annak eleutte halallal eleul vetetek, meg hala. Ezen keppen Zent Margyt azzonnak zentseges eletenek byzonsag vetele vegtelen elmarada az ideuben. Halvan Papa Eztergamy Fylep Erseknek halalat, es ez dolognak vegtelen voltat, es mykoron immaran ez felyul meg mondot Gergely Papa es meg holt volna es ennek utanna leut volna Innocentius Papa - -."[238] Innocentius hic "quia per inquisitionem ipsam (Lodomerii) de praemissis plena instructio non poterat prouenire;" Ubertum Blancam capellanum suum et la Corre doctorem decretorum, Canonicos Veronenses a. 1276. 14. Maii ad inquirendum dimisit[239]. Inquisitores hi Budam advenientes, publice per regnum testes quosque ad comparendum provocarunt; sic Legenda Margarethae Neapolitana expresse dicit: "Dum sedis apostolice nuncij uenissent pro inquisitione de uita et miraculis s. Margarete virginis facienda, Prior Quinqueecclesiarum publice proclamauit, quod quicumque sciret aliqua miracula facta fuisse per merita s. Margarete, ueniret ad prefatos nuncios et eis diceret ueritatem."[240] Miro haec promulgatio incolas Regni commovebat gaudio; fama enim sanctitatis Margarethae

---

[236] Fejér Cod. dipl. V. II. 333.

[237] Fejér 1. c. V. II. 350.

[238] Pray Vita Elis. et Marg. 315.

[239] Fejér 1. c. V. II. 349.

[240] Knauz, A nápolyi Margitlegenda. Esztergom 1868. pag. 165.