nautarum in superiori parte possessionis, Kakat vocate, cum terris trium aratrorum, mensure regalis, ad easdem mansiones pertinentibus, in strigoniensi, item possessionem Wdwarth cum terra Quadraginta aratrorum, similiter regalis mensure, ac propria eorum curia ibidem existente, in Camariensi Comitatibus, necnon possessiones Nimthi, Sewlus, Chewku et Berzenche vocatas, acintra metas dicti Monasterij existentes, necnon omnes decimas ipsius Monasterij, pro se et suo Capitulo detinuisset minus iuste et indebite, in dampnum et detrimentum ipsorum valde magnum; factaque huiusmodi protestacione, eundem dominum Archiepiscopum et suum Capitulum, ac alios quoslibet ab occupacione, detencione, vsum fructuum, ac vniuersorum vtilitatum earumdem possessionum et possessionarium porcionum, ac decimarum percepcione, percipique faccione, seque ab intromissione in easdem, quoque modo facta, vel fienda, vice et nominibus sui, predictique Conuentus sui, inhibuit contradicendo et contradixit inhibendo coram nobis, Datum feria sexta proxima ante festum beati Bernabe Apostoli. Anno domini Millesimo ducentessimo LXXVIo. (sic).
Sig. exteriori margini fuit adpressum. Orig. negligenter exaratum, in Arch. Cap. Strig. priv. Lad. I. fasc, 5, Nro. 41. - Brevissime extr. Fejér 1. c. V. II. 374. Ed. Cod. Strig. II. 120. - Cum Philippus Archiepiscopus mense. Dec. a. 1272. mortem obierit, in dato diplomatis huius manifeste aberratum est. Martinus Abbas, cuius hic mentio iniicitur, primum a. 1268. comparet (vide Nrum. 723.). Ergo intra a. 1268 - 1272. diploma hoc exarari debuit.
791.
(1268 - 1272.) - Martinus, Abbas s. Benedicti, Philippum, Archiepiscopum Strigon., ab occupatione et detentione plurium possessionum inhibet, coram Conventu Zoboriensi.
Nos Conuentus Monasterij beati ypoliti martiris de Zobur, damus pro memoria, quod vir religiosus, dominus frater Martinus, abbas Monasterij sancti Benedicti de Juxta Grón, in sua et sui Conuentus personis, ad nostram personaliter veniendo presenciam, nobis per modum protestacionis significare curauit, quod Reuerendissimus in xpo. pater, dominus philippus, Archiepiscopus Ecclesie Strigoniensis, post recessum ipsorum Tartharorum de Regno Hungarie, plurimas possessiones et possessionarias porciones ipsorum, domini abbatis videlicet et Conuentus sui, et per consequens predicti monasterij ipsorum, potencialiter occupasset, de quibus quasdam restituisset, quasdam vero, videlicet decem mansiones nautarum in superiore parte possessionis, Kakath vocate, cum terris trium aratrorum, mensure regalis, ad easdem mansiones pertinentibus, in Strigoniensi; Item possessionem Odward cum terra quadraginta aratrorum, similiter regalis mensure, ac propria eorum Curia, ibidem existente, in Camariensi, necnon possessiones Nempti, Zeules, Chenke et Berzence vocatas, in Borsiensi comitatibus habitas, ac intra metas dicti Monasterij existentes, pro se detinuisset