Lodomerie, Cumanie, Bulgarieque Rex, omnibus xpi. fidelibus, tam presentibus quam futuris, presencium noticiam Habituris, Salutem in omnium saluatore. Sumpme bonum est inter eruditos corde creatorem reuereri, et quod possidet in mundo, non sibi ascribere, sed appropriare potencie dei, prout est, et omnium conditori, Qui enim de sudore laborioso aquisitis in tempore aliquid misericordie optulerit, sperans in recompensacionem temporalium eterna possidere, pro minimo, veritate docente, centuplum accipiet et vitam eternam possidebit. Hinc est, Quod constitutis coram nobis venerabili patre domino Philippo, eadem gracia archiepiscopo Strigon. locique eiusdem Comite perpetuo, ac discretis viris, magistris Sixto lectore et Walentino cantore de Capitulo eiusdem ecclesie, supplicantes uobis humiliter predicti Lector et Cantor, quod possessiones a glorioso Rege Bela, felicis memorie, quas pro fidelibus seruicijs eorum eis perpetuo condonarat, videlicet magistro Sixto lectori possessionem Hetyn, iuxta quandam possessionem ecclesie Strigon., sibi contiguam, et magistro cantori possessionem Kyskezu vocatas, iuxta Kezu maiorem, ambas in Comitatu Komarumiensi situatas, tradiderat et contulerat, ea libertate et condicione, quod cuicunque vellent, in vita pariter et in morte, donare, vendere, legare, aut quouis colore alienare, liberam haberent alienandi facultatem; vt nos eisdem ex superhabundanti gracia hoc idem concedere dignaremur et ea, que de ipsis possessionibus facerent coram nobis, nostro priuilegio, super eisdem emanato, faceremus confirmari. Qui quidem nostris adhibitis consensibus, nobis presentibus, taliter ordinarunt: Quod magister lector possessionem suam aquisitam, Hetyn nominatam, cum omnibus suis utilitatibus, pertinencijs, terris arabilibus, piscaturis et fenetis, ac quibuslibet alijs, prout in litteris Regis Bele, beate memorie, plenius continentur, dedit, donauit et legauit, quasi in testamento vltimato, beato Adalberto et sue ecclesie Strigon., in persona archiepiscopi et suis successoribus perpetuo et irreuocabiliter possidendam, cum omni plenitudine sui Juris. Hoc non pretermisso, quod ad hedificacionem loci iam assumpti pro Claustro beate anne archyepiscopus, qui est, vel qui pro tempore fuerit, semel tantum et non pluries, viginti marcas pro eterna elemosina post mortem ipsius lectoris soluere teneatur. Litteras vero priuilegiales Regum Bele et Stephani, super eadem villa Hetyn optentas et datas, promisit archiepiscopo Strigon. reddere sine diminucione, et si quas ex ipsis non restitueret, vel casualiter perdere contingeret, vigore carerent, si coram quouis Judice contra ecclesiam Strigon. fierent presentate. Nichilominus hoc adiecto, quod idem Magister Sixtus lector eandem possessionem Hetyn, donec sibi vita comes fuerit, non tanquam proprietarius, sed tanquam vsuum fructuum percipiens, amodo in posterum donatam ab archiepiscopo possidebit, nec aliquid vltra de eadem habebit ordinare. Item magister Walentinus cantor de eadem possessione sua aquisiticia, Kyskezu nominata, taliter ordinauit, quod eandem beatissime