futuris notum fieri uolumus, quod cum quadam die ad prefatum monasterium more solito gracia oracionis uenissemus, ab abbate Dauid et omnibus fratritras eiusdem monasterij coram nobis talis proposita est querela, quod Iobagiones et populi ad posonium et Nitram pertinentes, ipsos super illa terra, quam sanctus Stephanus rex, necnon et Ladizlaus rex In Sala[274] supra Wag monasterio sancti martini contulerant, plurimum dampnificando infestarent, Ita uidelicet, quod terram, que est ibidem in insula, disturbarent Iobagiones et populi, qui pertinent ad Nitram, Terram uero, que extra insulam uersus posonium est, disturbarent Iobagiones et populi, qui pertinent ad ipsum castrum posonium. Nos ergo eorum querelam audientes et benigne suscipientes, capellanum nostrum nomine Laurencium, canonicum de Tithil, super hoc facto pristaldum constituimus, precipientes, ut supradictos Iobagiones et populos, ad castra posonium et Nitram pertinentes, qui terram sancti martini disturbare dicebantur, ad nos conuocaret et de iusticia sancti martini a uicinis populis fideliter perquireret. Quod cum ita factum fuisset et illi supradicti Iobagiones et populi conuocati coram nobis comparuissent et a nobis subtiliter inquisiti, per diuersa titubassent, tandem nichil certitudinis de illa prememorata terra contra abbatem et fratres monasterij sancti martini probare potuerunt, Nos autem in hiis et in aliis per fidelem nostrum capellanum L. coram nobis declaratis, iusticiam sancti Martini satis intendentes, eumdem L. misimus, ut illam terram fideliter circumspiceret et metis undique erectis secundum donacionem predecessorum nostrorum regum s. Stephani et ladizlai, monasterio sancti Martini assignaret. Ordo autem metarum illius terre talis est. Prima meta incipit a septentrionali parte iuxta ripam fluuij, nomine Holut Wag, et progreditur ad australem partem, cui commetanea est terra ciuilium de uilla Jeneu ultra fluuium prenominatum. Secunda meta est iuxta arbores, que uocantur ulmi et hac parte eidem est uicina terra ciuilium de Nitra in eadem insula. Inde uero protenditur per arundinetum usque ad nemus, quod uulgo dicitur be1ez, iuxta quod in colliculis habet metas magnas. Inde per medium insule tendit ad metam, in qua est ulmus. Inde ad uiaxn, que ducit ad uillam turnis et ibi habet metam iuxta nemus, quod uocatur Je1ec. Inde extra illud nemus ad arbores ulminas, sub quibus est meta, Inde tendit ad uiam, que ducit ad uillam vduorc et ibi est meta. Inde transit per nemora ad metam magnam, que est in arundineto. Inde iterum ad predictam uiam, que ducit ad villam Vduorc, per quam protenditur ad berekzeg, extra quoduadit ad metam, que est in rippa predicti fluuij, ultra quem habetur fossatura, per quam trahitur aqua ad paludes ecclesie sancti martini. Inde incipit esse commetanea cum terra nobilium, quorum uilla uocatur buren et Inde per magnum arundinetum uadit ad locum, ubi fenum solet esse et ibi habet metas cum eisdem nobilibus

[274] Hodie Deáki in Comitatu Poson.