princeps, Lodovicus, Dei gracia rex Hungarie, dominus noster mediantibus litteris suis anulari sigillo suo consignatis pro Stephano, filio Boncha, aule reginalis excellencie parvulo et Petro, fratri suo uterino in facto possessionis Gyante vocate in comitatu Byhoriensi existentis per honorabilem virum, dominum Thatamerium, pretitulate ecclesie nostre prepositum eisdem filiis Boncha donate et perpetuate confectis iuxta mandatum serenitatis sue nobis per eundem dominum regem datum et iniunctum alias litteras eiusdem domini nostri regis eodem sigillo suo anulari consignatas predicto domino preposito per regiam serenitatem super eadem possessione et pro eisdem filiis Boncha confectas et emanatas per duos discretos viros de collegio universitatis nostre ad predictum dominum Thatamerium prepositum cum dictis litteris regie maiestatis ipsi domino preposito directis transmittere debuissemus. Unde nos mandatis serenitatis regie celsitudinis semper obtemperare cupientes, ut tenemur,[349] discretos viros, Mychaelem, plebanum de Wrs et Emericum Sclavum, notarium nostrum, concanonicos et fratres nostros in Christo karissimos duximus destinandos, qui demum ad nos reversi nobis concorditer retulerant, quod ipsi in vigilia festi Penthecostes proxime preteriti ad predictum dominum prepositum accessissent et alias litteras eiusdem domini regis in facto premisse possessionis confectas pro predictis filiis Boncha eidem domino preposito exhibuissent, quas quidem litteras predicti domini regis idem prepositus omni, qua debuisset, reverencia recepisset et ad easdem litteras visis litteris suis privilegialibus super donacione pretacte possessionis Gyante per eundem dominum prepositum ipsis filiis Boncha facta et mera rei veritate cognita dictas litteras privilegiales suas esse dixisset veras et per ipsum ipsis filiis Boncha, nepotibus suis datas et eisdem fratribus nostris superius nominatis clara et pupplica voce sic dixisset, quod ipse prematuro consilio pretitulatam possessionem Gyante in concambium et permutacionem possessionis dictorum nepotum suorum Bulkuz vocate sepefatam possessionem Gyante cum omni plenitudine sui iuris ipsis nepotibus suis et per eos eorum heredibus et posteritatibus mediantibus litteris suis privilegialibus iure perpetuo et irrevocabiliter dedisset, perpetuasset et ad manus eorundem assignasset quiete et pacifice possidendam, tenendam pariter et habendam, et sicut pro tunc sepefatam possessionem eisdem filiis Boncha perpetuasset, sic et nunc eandem possessionem eisdem perpetuasset et perpetuavit. Sed quia pretitulatus dominus rex in predictis litteris suis nobis dederat in preceptis et mandatis, quod si sepefatus dominus prepositus litteras suas privilegiales super ipsa donacione pro ipsis filiis Boncha factas et confectas dixerit esse suas veras litteras, tunc nos super sepefata possessione ipsis filiis Boncha litteras nostras privilegiales dare et concedere deberemus. Ideo nos ad mandatum regie serenitatis pro sepefatis filiis Boncha litteras nostras privilegiales pendentis sigilli nostri autentici munimine roboratas duximus concedendas. In cuius rei memoriam firmitatemque et stabilitatem perpetuam ad preceptum regie celsitudinis et ad peticionem predictorum filiorum Boncha dictas litteras nostras privilegiales pro ipsis filiis Boncha, ut est premissum, duximus concedendas. Datum anno dominice incarnacionis Mmo ccco quinquagesimo sexto, decimo septimo Kalendas mensis Iuli. Reverendo viro, magistro Thatamerio, dicte ecclesie nostre preposito, prelato nostro, discretis viris Iohanne cantore, Demetrio custode et Stephano decano eccllesie nostre existentibus.