92.
1354. október 3.

A zobori konvent bizonyítja, hogy előtte János garamszentbenedeki prépost Szigfrid apát és konventje nevében a monostor füssi birtokrészét Tamás fia Tamás és László fia János füssi nemeseknek évi haszonbérletbe adta három bécsi széles dénármárkáért.

Hártya, 295 x 76 mm. Hátlapján a zobori konvent pecsétjének maradványai. Újkori feljegyzések mellett egyetlen középkorinak tűnő feljegyzés: Super terra in Fys habita. Prímási lvt. Ipolyi gyűjt. 30 (DF 248 885).

Nos, conventus Monasterii Beati Ypoliti martiris de Zubur, tenore presencium significamus, quibus expedit, universis, quod frater Iohannes prepositus nomine proprio, vice et nomine domini Syffridi abbatis et conventus monasterii Sancti Benedicti de iuxta fluvium Goron ab una, item Thomas, filius Thome et Iohannes, filius Ladyzlai, nobiles de Fyus parte ab altera coram nobis personaliter constituti, idem frater Iohannes prepositus nomine proprio, vice et nomine domini abbatis et conventus predictos retulit se locasse et dedisse, ymmo locavit coram nobis et contulit possessionariam porcionem terre monasterii Sancti Benedicti in Fyus habitam et ex antiquo tempore ad ipsum monasterium Beati Benedicti pertinentem cum omnibus suis utilitatibus et pertinenciis universis per decem annorum spacia prenotatis Thome et Iohanni pro censu annuali tali intermedio, quod a data presencium in singulis festivitatibus Beati Michaelis archangeli tempore autumpnali occidentibus[238] singulis annis tres pensas latorum Wyennensium denariorum in ipsorum monasterio domino abbati et conventui solvere et litteras expeditorias eorundem recipere debebunt, ut assumpserunt, penam dupli incursuri, si aliquem terminum singulis annis infra decem annorum spacium obmitterent in solvendo. Et si postea ipsam obmissam solucionem principalem cum pena dupli infra quindenas ipsius festi Beati Michaelis archangeli immediate subsequentes solvere non curarent, ex tunc ante litis ingressum prenotatam solucionem cum pena dupli plenarie et ex integro solvere tenebuntur, sicut ad omnia premissa et premissorum singula se predicti nobiles spontanea voluntate coram nobis obligarunt, et possessionaria porcio terre prenotate cum fructuum utilitatibus universis sine omni contradiccionis obstaculo pacifice in ius pristinum et proprietatem monasterii antedicti devolvetur eo facto. Datum feria sexta proxima post festum Beati Remigii confessoris, anno Domini millesimo CCCmo Lmo quarto.

[238] így az eredetiben, helyesen talán: occurrentibus v. accidentibus