90.
1354. augusztus 18. Nagyfalu

Baranya megye hatósága nagyvátyi Miklós fia Péter kérésére kivizsgáltatja Gurk fia Mihály nagyvátyi hatalmaskodásának ügyét.

Papír, 220 x 106 mm. Két darab pecsét maradványai, egyik záró (nagyobb méretű), másik hátlapra nyomott (kisebb méretű). Hátlapi feljegyzés ugyanazon kéztől: Pro Petro, filio Nicolai de Nogwagh contra Mychaelem, filium Gurk ad feriam secundam proximam post festum Decollacionis Sancti Iohannis Baptiste nunc venturam prorogatoria; valamint újkori latin nyelvű tartalmi összefoglaló és levéltári jelzetek. Eszt. kpt. olt. 1-3-10, KML 28 (DF 208 465).

Nos, magister Dominicus vice magnifici viri, domini Andree bani de Machou comes de Barana et iudices nobilium de eodem damus pro memoria, quod cum nos Petrum, filium Gregorii, hominem nostrum ad instantem peticionem Petri, filii Nicolai de Nogwagh ad infrascripta facienda transmisissemus, qui postremo ad nos reversus nobis dixit, quod prefatus Petrus per ipsum hominem nostrum feria sexta proxima ante festum Beati Iacobi apostoli nunc preteritum duos acervos frugum ac Mychaelem, filium Gurk legitime fecisset prohiberi dictusque homo noster super ipsa prohibicione partibus predictis feriam secundam proximam ante festum Sancti regis Stephani nunc venturum coram nobis comparere pro termino assignasset, ipso itaque termino occurrente partes predicte coram nobis comparuerunt, ut debebant, prefatus autem Petrus contra ipsum Mychaelem in figura nostri iudicii proposuerat eo modo, quod dictus Mychael in festo Nativitatis Beati Iohannis Baptiste, cuius nunc annua preterisset revolucio, in domo sua in eadem Wagh habita, propria sua auctoritate descendisset moraturus, et alias duas domos suas in eadem combussisset et novella sua arando seminasset, in quibus quidem novellis suis dicte fruges in eisdem acervis ex<...> forent et essent, quo dicto dictus Mychael respondit ab adverso, quod non in domo ipsius Petri descendisset, sed in sua do<... r>esidenciam, et novella eiusdem non arasset et non seminasset, et super hoc dare posset instrumentum. Quibus auditis <...>nsimus, ut ipse Petrus, homo noster et Stephanus, filius <...> de eadem Nogwagh usque quintum decimum diem a die datarum presencium, scilicet feriam secundam proximam post festum lacionis Sancti Iohannis Baptiste nunc venturam super premissis sciant et inquirant omnimodam veritatem et tandem secundum quod ipsis hominibus nostris veritas de premissis constiterit, nobis partibus predictis presentibus in ipsa feria secunda indicare teneantur dictusque Mychael suum instrumentum coram nobis similiter exhibere teneatur, ut nos iudicium et iusticiam facere valeamus inter partes. Datum in Nogfalu[237], termino prenotato, anno Domini Mo cccmo quinquagesimo quarto.

[237] utána kihúzva: feria secunda