heredumque successoribus statuerunt, coram nobis, possidendum, tenendum et habendum perpetue et irrevocabiliter, sine eontradiccionis obstaculo pacifice et quiete. Assumpserunt antedicti Petrus et Isow eciam coram nobis, sepedictum Paulum et suos heredes, racione ipsius fundi molendini, a predictis Michaele de Baraccha, Chon filio Chama, et Gregorio et ab omnibus aliis, si necessitas requireret, propriis laboribus expedire. In cuius rei testimonium et memorie firmitatem, presentibus nostrum sigillum duximus apponendum. Datum, nono Kalendas Februarii, anno incarnacionis Domini Millesimo trecentesimo tricesimo septimo.
Fragmen sigilli ex albo serico pendet. – Orig. membr., in Arch. Capit. Strigon. Publ. Capsa 69. fasc. 15. nr. 10.
417.
1337. Visegrád. 5. Febr. – Chanadinus archiepiscopus Strigon., et alii episcopi, transsumunt privilegiales, episcopatui Nitriensi, super perpetua comitatus Nitriensis possessione elargitas.
Chanadinus, Dei et apostolica gracia archiepiscopus Strigoniensis, locique eiusdem comes perpetuus, Ladizlaus Quinqueecclesiensis, Andreas Transsiluanus, Ladizlaus Zagrabiensis, Nicolaus Agriensis, Mesko Vesprimiensis, Rodolfus Vaciensis, Jacobus Chanadiensis, Petrus Syrimiensis ecclesiarum episcopi – – –
Sequitur priv. Caroli I. regis de a. 1302. 10. Sept.[252] ex hoc ipso tramsumpto T. II. p. 314. nr. 551 et 552. illiusque trans. de 1313. 8. Aug.[253] ibidem p. 685. editum.
Datum et actum in Vyssegrad, in festo beate Agate virginis et martiris, anno Domini Millessimo trecentesimo tricesimo septimo.
Sigilla novem e corrigiis pendebant. – Orig. membr., in Arch. Episcop. Nitriens. J. D. I. fasc. 1. nr. 2. - Ed. Fejér: Cod. Dipl. VIII. p. 245.
Ab extus haec adnotantur: Anno 1567 die ultima mensis Decembris, hoc privilegium Ecclesiae Nitriensis, a longinquis partibus est remissum ad Eccl. Nitr., per unum probum virum.
418.
1337. – 24. Febr. – Paulus, iudex curiae regiae, capitulo Albensi injungit, ut possessionem filiorum Beny, in Vezekeny reambulet novas metas erigendo, illamque aestimando, ac seriem facti rescribat.
Amicis suis honorandis, capitulo ecclesie Albensis comes Paulus, judex curie domini regis, debite amicicie et honoris incrementum. Vestre discrecionis amicicie presencium tenore declaramus, quod quia possessionaria porcio Jacobi et Nicolai, filiorum St(ephani), filii Been de Wezeken, in eadem possessione Wezeken, in comitatu Borsiensi existenti, ipsos contingens, in quadam sumpma pecunie venerabilem in Christo patrem, dominum Chanadynum, Dei et apostolice sedis gracia archyepiscopum Strigoniensem, locique eiusdem comitem perpetuum; et in alia sumpma pecunie Stephanum et Nicolaum, filios Pauli de minori Sorlou redimenda contingebat, cum iuxta continenciam priorum litterarum nostrarum, formam et modum judicii nostri continencium, quia redempcio ipsius possessionarie porcionis Wezeken, prenominatum Nicolaum, filium St(ephani), filii Been, pre ceteris attingebat, seque coram nobis in examinacione judiciario
[252] 1302. 10. Sept.
[253] 1313. 8. Aug.