marcas grossorum, compoti Budensis, omni estimacione exclusa, absque iudicis porcione, ante litis ingressum, et insuper possessionem eorum Lekene vocatam, cum omnibus suis attinenciis super antiquis metis et terminis, necnon easdem possessiones Somkuth et Rususna vocatas, sub premissis metis presentibus insertis, presente homine ipsius iudicis, ad cuius presenciam in litem devenerant et testimonio ipsius capituli Agriensis, sine dilacione aliquali et absque ulteriori alicuius litis ventilacione, ipsis Alexandro et filiis suis, eorumque heredibus statuere tenerentur, premisse regalis donacionis titulo perpetuo possidendas, tenendas et habendas. Hoc specialiter declarato, quod donec ipsi filii Dominici et filii Benedicti, ac Jacobus filius Nicolai, eorumque heredes, ipsos Alexandrum et filios suos, eorumque heredes, in dominio dictarum possessionum Wamus et Olsoupanyth, ac spectancium ad easdem conservare poterunt et conservabunt, premissa privilegia dominorum Bele, Stephani et Ladislai, quondam regum, per ipsos filios Alexandri habita, solum in facto dictarum possessionum Somkuth et Rususna vocatarum, contra ipsos filios Dominici et filios Benedicti, ac Jacobum filium Nicolai, eorumque heredes, vana, cassa, frivola essent, viribusque caritura; in facto autem aliarum possessionum, in eisdem continencium (sic!) vigorem habeant iuxta seriem eorumdem; sed dum premisse possessiones Wamus et Olsoupanyth, per formam iudiciariam per quempiam ab eisdem Alexandro et filiis suis, heredibusque eorumdem fuerint reoptente et alienate, memorata privilegia dominorum Bele, Stephani et Ladislai regum, in facto ipsarum possessionum Somkuth et Rususna iterum plenum vigorem haberent et optinerent, et premissum privilegium domini Bele regis, sub aurea bulla confectum, solummodo in facto earumdem possessionum Somkuth et Rususna vocatarum, sub premissis metis existencium, contra ipsos Alexandrum et filios suos, eorumque heredes vanum, cassum, frivolum haberetur, viribusque cariturum; in facto autem aliarum possessionum in se continencium vigorem haberet, contra quospiam et iuxta donacionem ipsius domini Bele regis, perpetue firmitatis robor optineret, tali obligacione mediante, ut ipsi filii Dominici et filii Benedicti, aut Jacobus filius Nicolai, vel eorum heredes, heredumque suorum successores, premissam composicionem in toto vel in parte, temporis in processu, retractare attemptarent, non alii, nisi qui ipsam composicionem alternare nitterentur, calumpniancium pena punirentur et vindicta, Ad que omnia et singula premissorum, iidem Stephanus et Dominicus, filii Dominici, Ladislaus et Jacobus magistri personaliter pro se et eorum heredes, heredumque suorum successores, prefati autem magistri Ladislaus et Stephanus, Andreas filius Johannis et Mychael Paruus, ut legitimi procuratores memoratos Nicolaum, Johannem et Petrum, filios Benedicti, item Georgium et Stephanum filios Dominici, eorumque heredes, heredumque suorum successores, vigore prescriptarum litterarum procuratoriarum, coram nobis spontanea obligarunt voluntate.
Prefate autem mete, in dicto privilegio domini Bele regis, per eosdem filios Alexandri, in presencia dicti comitis Pauli iudicis curie regie, ut dixerunt, exhibito, ac eciam in privilegio eiusdem iudicis curie regie, quod nos vidimus fide oculata, exinde confecto, quibus prescripte possessiones Somkuth et Rosusna circumdantur et ab aliis possessionibus separantur contente, hoc ordine protenduntur: quod prima meta est Somkuth, per quam separatur a terra Zahy; deinde vadit ad quendam locum ubi sunt tres mete veteres de terra et lapidibus