324.
1332. (Esztergom.) 22. Nov. – Conventus Cruciferorum de Strigonio, Catharinam relictam Michaelis, possessionem suam Bileg, pro quinquaginta marcis, Chanadino archiepiscopo vendidisse, testatur.
Conventus cruciferorum, domus hospitalis sancti regis Stephani de Strigonio, omnibus Christi fidelibus, presentem paginam inspecturis, salutem in omnium Salvatore. Rerum omnium, iusto deliberacionis [. . . . . e] mentis acumine dispositorum firmamentum, a posterorum recordacione evanesceret, nisi sagax discretor [. . . . . . a] scripture remedio [n . . . . . . ] oblivionis caligine suffocando, supervivencium noticie geste rei [verilatem] daret. Proinde ad universorum [noticiam], tam presencium, quam futturorum, harum serie volumus pervenire: quod nobilis domina Katha nuncupata, relicta Mychaelis, filii Pangracii, filia Lamperti filii Wytalus, unacum Thoma filio suo, ad nostram personaliter accedens presenciam, totalem possessionariam porcionem in Byleg, racione quarte sue puellaris ipsam omni veritatis [trami]te contingentem, cum omnibus suis utilitatibus et pertinenciis quibuslibet universis, sub antiquis suis metis [ . . . . . rum] distinccionibus, pro quinquaginta marcis grossorum compoti Budensis, wenerabili in Christo patri domino C[hanadino, D]ei et apostolica gracia archiepiscopo Strigoniensi, locique eiusdem comiti perpetuo, plene habitis et [ . . . . is] receptis ab eodem, dedisse, vendidisse et contulisse perpetuo et irrevocabiliter est confessa coram nobis, organo vive vocis; ymo dedit, vendidit et contulit, perpetuo possidendam, tenendam et habendam, omne ius dominii [proprie]tarii in ipsum dominum archyepiscopum penitus transferendo; nulli igitur fratrum, proximorum, [con . . . . mum], aut aliorum quorumcunque, neque sibi relinquens, in ipsa possessionaria porcione, in quartam suam puellari sibi devoluta iurisdiccionem, preter ipsum dominum archyepiscopum, aliqualem. In cuius rei memoriam, perpetuam[que fir]mitatem, ad instanciam parcium predictorum, presentes concessimus litteras privilegiales, pendentis sigilli n[ostri munim]ine roboratas et alfabeto intercisas. Datum, in festo beate Cecilie virginis, anno Domini M CCC X[XX] secundo.
A. B. C.
Sigillum e rubro et violaceo serico pendet. – Orig. membr, in Arch. Cap. Strigon. Priv. Lad. 41. fasc. 7. nr. 13.

325.
1332. Avignon. 24. Nov. – Joannes PP. XXII., Chanadino archiepiscopo Strigoniensi, de multis favoribus, apostolicae sedis nunciis impensis, gratiarum actiones uberes refert.
Ed. Theiner: Mon. Hung. Hist. T. I. p. 592.

326.
1332. Csút szigetén. 25. Nov. – Jacobus praepositus, et conventus de Csúth, transscrib. literas Lodomerii archiepiscopi, super concambio possessionis Nyárhid, emanatas.
Nos frater Jacobus, Dei paciencia prepositus ecclesie beati Eustachii de insula Chuth, prior et conventus loci eiusdem., memorie commendantes significamus universis, quibus expedit, presencium per tenorem: quod inspectis forme