ecclesie uacacionem defensio possessionis eiusdem ecclesie non alteri competat, quam Capitulo eiusdem ecclesie; Nos itaque iure precipiente et equitate suadente, conseruacionem populi huiusmodi ecclesie vacantis, Capitulo ipsius ecclesie duximus committendam, statuentes, ut si qui turbatores, aut spoliatores possessionum prepositalium et Capituli reperti fuerint; ipsum Capitulum per yconomum (sic) suum, ad hoc specialiter deputatum, auctoritatem habeat interdicendi et excommunicandi, in interdicto et excommunicacione retinendi tamdiu, donec de iniuria turbacionis, seu spoliacionis, ac de dampnis datis per turbatores et spoliatores fuerit plenarie satisfactum et ut ydem Capitulum, uel ipsius Capituli Iconomus plenius hec premissa exequi ualeant; uobis plebanis de Scepes vniuersis firmiter damus in mandatis, vt si Iconomus predicte ecclesie aliquem, uel aliquos turbatores, aut spoliatores possessionum predictarum uobis dixerit nominatim a diuinis excludendum, uel excludendos, uel facta excommunicacione a sacramentis ecclesie euitandos, uos illos tales interdictos, uel excommunicatos ab ecclesijs uestris et a sacramentis ecclesie, prout iura precipiunt, excludatis. aliud sub pena excommuicacionis, ex nunc late, non facturi, si irregularitatem uultis euitare. Datum in Bulduakev in octauis beati Mychaelis, anno domini M°. CCC°. primo.
Sigillum ovale tergo fuit appressum. Orig. humore maculatum, in Arch. Cap. Scepus. priv. Scrin. 11. fasc. 2. Nr. 15. - Extr. breviter Fejér Cod. dipl. VI. II. 327. et iterum VIII. I. pag. 80.
525.
1301. 17. Oct. - Bonifacius PP. VIII. reprobat, quod Wenceslaus Rex Bohemiae permiserit filium suum "a Colocensi Archiepiscopo et nonnullis suis complicibus" in Regem Ungarie coronari. "Utinam discussisses - -, quomodo coronam ab eo recipere debuit, qui auctoritatem Reges Ungarie coronandi non habebat de consuetudine vel iure; - - - et ideo plus turbamur de novitatibus per dictum Colocensem Archiepiscopum - - noviter attemptatis, que discordiam pariunt et dispendia graviora minantur, nisi deus ex alto in Regno ipso pacem effundat. - - - Datum Laterani XVI. kal. Novembris, Anno Septimo."
Raynald ad a. 1301. Nr. X.; Katona Hist. Crit. VIII. 16.; Fejér Cod. dipl. VI. II. 316. et VIII. I. 63.; Theiner Mon. Hung. I. 387.

---